影片
更多
2014-09-17
26544 浏览
早于7月，老婆为祝贺朋友个仔完成文凭试，请佢嚟协奏坊食番次自助餐，请得人无理由唔请埋我架，掹住佢衫尾叹番次自助晚餐，以三百松啲个价位，有海鲜，有生蚝，有鱼生，有伯伯加奴雪糕，款式唔算好多好多，但有一定质素，觉得真喺几抵食，所以，之后再约朋友嚟食过，一同味游四方 。餐厅位处大角咀九龙珀丽酒店2/F，可能你会觉得位置有少少吊脚，不过识行由奥运站过嚟都只不过10分钟左右。餐厅占2/F全层，一室光猛洁白，装修摩登，天花嘅叶形灯饰几得意；虽然是晚喺闲日，都有八、九成满，不过，可能楼底都够高，枱椅都排得唔算好密，所以，整个场都唔觉好嘈炒，感觉唔错，慢慢叹食足3粒钟。题外话，近入口位右边有全场唯一一张圆枱，可坐8个人，仲设计成半开放式，虽然讲唔上有咩私隐度，但多少有自成一角嘅感觉，修饰又再别致啲，大吊灯令环境更高雅，更方便一家人或一班朋友共聚畅谈，够人多不妨要求预留依张枱 。协奏坊作为酒店嘅西餐厅，主要都喺供应不同时段嘅自助餐，相对好多尖沙咀、铜锣湾四五星酒店，佢各项自助餐都定价非常吸引，但抵唔抵都仲要讲质素，不过，见得小弟翻兜就知唔差得去边。虽话佢个自助餐提供多国美食，但而最近依次去就做紧「瀛
餐厅位处大角咀九龙珀丽酒店2/F，可能你会觉得位置有少少吊脚，不过识行由奥运站过嚟都只不过10分钟左右。餐厅占2/F全层，一室光猛洁白，装修摩登，天花嘅叶形灯饰几得意；虽然是晚喺闲日，都有八、九成满，不过，可能楼底都够高，枱椅都排得唔算好密，所以，整个场都唔觉好嘈炒，感觉唔错，慢慢叹食足3粒钟。
题外话，近入口位右边有全场唯一一张圆枱，可坐8个人，仲设计成半开放式，虽然讲唔上有咩私隐度，但多少有自成一角嘅感觉，修饰又再别致啲，大吊灯令环境更高雅，更方便一家人或一班朋友共聚畅谈，够人多不妨要求预留依张枱 。
协奏坊作为酒店嘅西餐厅，主要都喺供应不同时段嘅自助餐，相对好多尖沙咀、铜锣湾四五星酒店，佢各项自助餐都定价非常吸引，但抵唔抵都仲要讲质素，不过，见得小弟翻兜就知唔差得去边。虽话佢个自助餐提供多国美食，但而最近依次去就做紧「瀛．朝．鲜味海鲜自助晚餐」主题，即喺有多少少日韩式美食，喺时候跟大家分享美食。
自助沙律、冷盆小碟 小弟惯性先食啲沙律开开胃，再搏刹。沙律吧枱就晌近门口位置，除3款已预制好嘅沙律之外（火腿青瓜沙律、华都夫沙律、三色椒沙律），仲有几盆沙律菜及多款配料如车厘茄、烟肉碎……，并配以5款酱汁（千岛汁、凯撒沙律汁、法汁、芝麻酱、油醋汁）。我就喜欢样样有啲，再加少少油醋汁，而沙律后方一个金字塔形层架，放有多款冷盆小碟，拣咗其中两款：泡菜冻豆腐、芝麻酱茄子，摆靓少少个沙律头盆，令人食都食得开心啲，况且，啲沙律菜冰凉爽脆，预制嘅沙律调味又做得唔错，冷盆小碟嘅冻豆腐既滑又带点辛辣，茄子沾满芝麻酱，浓鲜好食 。
海鲜 冻海鲜就晌入门口位，7盆冰镇海鲜不时补货，几时出去都有足够供应，种类有甜虾、翡翠螺、长蟹脚、鱿鱼、青口、带子及3款冻蟹（北海道活毛蟹、加拿大石蟹、英国面包蟹），一碟过要晒咁多款，成为一碟美味嘅海鲜拼盆，未食睇见都爽呀。论到海鲜质素，确喺唔差，个人较欣赏喺甜虾、翡翠螺、加拿大石蟹，鲜甜味突出 。
即开生蚝 除咗冰冻海鲜，唔少得生蚝，由于生蚝由专人即洗即开，故放咗晌刺身、寿司吧那边，排吓队在所难免，难得秩序良好。见一大盆生蚝，有唔同大细及外型，多口问问师傅嚟自何方，回答有纽西兰、澳洲、苏格兰货色。由于即开，感觉总喺新鲜啲，生蚝外观厚肉，滴啲柠汁、鸡尾辣汁，入口咸鲜爽滑，满口海水鲜味，就算唔喺为要翻本，都值得多食一碟 。
餐汤、面包、冻肉肠 食咗咁多冻嘢，都喺时候揾啲热嘢暖暖个胃，够晒热嘅就梗喺饮碗热汤。好可惜，依度无炖汤饮，但都有一中一西两款汤品，朋友拣咗芥菜咸蛋汤，讲话汤料十足，咸香有住家风味；小弟就拣碗西汤，粟米汤？唔喺家常𠮶只，喺以粟米打烂加「面捞」做出嚟嘅粟米忌廉汤，粟米味清甜浓郁，柔滑度OK，小弟再加多少少牛奶撞落去（如果有忌廉就仲正），令佢稀身啲，再滑啲。净饮汤有啲寡，配个粗麦欧陆小包（不过有啲硬），加片烟三文、鸡肉冻切肠，食得悠闲轻松。加多一小碗日本蒸蛋配带子，变为西日组合，估唔到啲蒸蛋几滑，带子酱油煮过，挺浓香。
热盘 热盘分布几个位置，由于地方所限，陈列出嘅款式比一般大酒店为少，但不时见佢有转款，算得上贵精不贵多，一边长枱款式包括：卤水鸡脚、咸酸菜猪肚、照烧汁比目鱼柳、香草忌廉汁比目鱼柳、日本蒸蛋配带子、冬荫公海鲜、照烧牛舌、泰式猪颈肉、烤羊腿、烟鸭胸炒蜜糖豆、蒜蓉炒小棠菜……等等，而另一边长枱款式包括：鳗鱼炒饭、意大利千层阔面、德国咸猪手、韩式炸鸡、越南春卷、泡菜煎蚝饼。记得之前𠮶次仲有牛油焗田螺、卤水鸭脾、红酒烩牛尾、意大利云吞、日式天妇罗……等等。听侍应讲，佢哋仲有其他款式如日式海鲜乌冬、吉列炸蚝、海鲜芝士年糕……等等，每晚轮流供应。逐样讲有点累赘，但整体做得水准中上，尤以香草忌廉汁比目鱼柳、照烧牛舌、烤羊腿、鳗鱼炒饭依几样最得小弟欢心 。此外，食物样样都细细碟制作，务求食物清得快，唔够再出，保持新鲜度。
即切烤肉、粉面 依两类食物晌餐厅另一面（入门口右边），粉面唔算好有睇头，所以，都唔多介绍，然而，个即切烤肉睇样几得咁，虽然个名牌写住「日本照烧和牛」，但师傅话转咗为「澳洲和牛」，不过，质素一啲唔差，和牛烧得外层焦脆，内里仍然粉嫩软腍，肉味浓郁，入口无渣，又喺翻兜之选 。
刺身、寿司食到依度都近尾声，因为啱啱病咗几日，未喺十足状态，所以都唔敢食得太尽，反而想留肚食甜品，故此，刺身、寿司就收晒手，不过，都想略略介绍吓，等大家考虑嚟食嘅时候都多个参考。刺身分别有三文鱼、八爪鱼、希灵鱼及剑鱼腩，而寿司则有甜虾、腐皮、蟹棒、三文鱼及墨鱼，此外，蟹籽军舰，几款寿司卷或反卷，相信应该满足到大部食客。
甜品 仲记得第一次嚟见到甜品得咁少款式，而啲款式又咁大路之时，确喺有少少失望，不过，眼见未必一定喺事实，试过先知有几真。除个苹果金宝及杂果凉粉外，全部甜品都做得细细件、细细杯（筛走一啲个装蛋糕），小巧精致，款式计有蓝莓芝士饼、柚子芒果蛋糕、意大利芝士饼、日式麻糬、鲜果拿破仑、朱古力泡芙条、木槺布甸、燕窝人参桂花糕、芒果布甸、法式焦糖炖蛋及伯伯加奴雪糕（云呢拿雪糕、朱古力雪糕及韩式柚子雪葩），一共十多款 。
最后精拣咗6款件装甜品，都喺心水之选 ，上次试过佢嘅鲜果拿破仑觉得有质素，所以今次两款（杂莓及蜜梨）都要晒，酥饼底做得好松脆，富牛油香，杂莓酸香，蜜梨清甜，各具特色；柚子芒果蛋糕嘅芒果慕丝打得软滑，而中间薄薄一层柚子果酱好清新；意大利芝士饼无论下层咖啡酒饼底，抑或上层马卡风芝士浆，都合格有余；朱古力泡芙条咬落松化，最有心思喺中间吉士以云呢拿条做，点点云呢拿籽就喺最好证明，真喺做得唔马虎；晶莹嘅燕窝人参桂花糕，加燕窝已升高几个档次，食落一朕朕人参甘味，创意十足好特别，当然唔喜欢参味就咪试啦，盏嘥嘢！
伯伯加奴雪糕3款味都试晒，加少少生果，再加啲杏仁片、朱古力碎碎，实在冰凉透心，滋味满fun。柚子雪葩最特别，唔太酸，有种柚子嘅甜蜜，雪葩内兼有粒粒柚子肉，正 ！怪不得朋友要再次添食。
自助啡茶红茶、热水、柠檬片、牛奶，想冲乜就自行搞掂，小弟就爱甜品配咖啡，自助咖啡机只提供一般即磨咖啡，味道一般般啫。
生果甜品前端，放置一大碟生果盘，有新鲜菠萝、西瓜、火龙果、蜜瓜及哈蜜瓜。随意拣几款作饭后果，一边继续跟朋友聊天讲饮讲食，一边食点生果帮助清化，喺不错嘅结尾。还好嘅喺餐厅唔会赶你走，大可以慢慢食！
环境、食物都好称心，而服务又几到位，招呼、收碟、食物补充……等等都做到足，店员都礼貌周周。逢星期一至四成人每位都只喺收$308 +10%（五、六、日及公众假期收$338），OpenRice仲有8折优惠券 ，折咗真喺唔使三旧水一位。虽则唔及啲高级酒店多嘢食到琳瑯满目、目不暇给咁，但俾你食尽又食得几多吖，以前后两次晌协奏坊食到嘅质素，跟时下闲闲哋五、六 百蚊一餐自助晚餐相比，确喺相对亲民、抵食 。
张贴
