達磨日式拉麵 (已結業)

今日经过开大坑，见到达磨门面好似ok，加埋睇咗门口段介绍既video，讲到水质、面同叉烧都有好高要求，所以胆粗粗走咗去试。去到冇咩人，完全唔使等位。一坐低就俾咗杯水我，不过未饮已经个杯闻到有少少味，阵味有啲似枱布味，但口渴都饮咗两啖，水啲味就正常。当我睇menu时，一个满身烟味既职员由门口入黎，之后佢同其他人吹水，系咁爆粗，令我觉得有点烦扰。最后拣咗达磨一品拉面(R8)，见佢系人气No.1，相信唔会难食得去边。汤底系有少少「酥」猪骨味，浓度正常；面质弹牙而有蛋味，不错；糖心蛋甜中带香；不过叉烧一夹就碎，味道一般。配料方面比其他拉面多咗啲蟹子，不过同个拉面好似唔系好夹。整体黎讲面既味道中规中矩，不过水杯既问题，所以我味道同卫生俾少咗分。职员系度爆咗好耐粗，加上成阵烟味，服务又扣咗分。