SHAO (已結業)

餐厅细小但气氛不错。五个人叫左两个餐，加一个意粉同鹅肝汉堡。首先讲下个头盘龙虾tata，牛油果好硬又冇味。D 龙虾都冇乜味。牛舌串烧不错，都几容易入口。慢煮牛同叉烧都好好食。叉烧半肥瘦刚刚好。鹅肝汉堡里面有黑松露，煎得刚刚好，入口即溶。明太子意粉都可以，有少少辣，唔食辣既我可以接受。叫左个薯条，加左5蚊转黑松露蛋黄酱，个酱先系重点！值得加。甜品系义大利雪糕，一个咖啡味同抹茶味。不太甜。整体来说，味道同环境都可以，台都大，坐得舒服。唯一就系份量太少，个鹅肝汉堡都冇手掌心大，而价钱又偏贵。一个餐298加一一个人食唔饱。