味道樂居酒屋 (元州街) (已結業)

今晚订咗喺荔枝角公司附近的味道乐居酒屋食晚餐，6:30入座。见到餐牌有一个二人套餐，约五百元，睇落好多嘢食，就试吓叫来一家三口吃。食物质素及份量也好令人满意，怪不得星期一晚都差不多全院满座啦！先来一个麻酱豆腐沙律，好清新开胃。当然唔少得叫杯生啤饮下啦！好够冻，正！餐前小吃嘅鸡翼同脆卜卜鱼都非常之好味，送酒绝对一流。再上枱嘅寿司拼盘也绝对不马虎，牡丹虾刺身好鲜甜，蟹膏带子寿司系我最爱。几款烧物都好好味，只虎虾大只到不得了，两只烧生蚝仲可以拣唔同味道。个烧帆立贝杂菌非常嘢未，啲杂菌用来送饭一流。仲有烧鲭鱼同烧秋葵，认真丰富。二人餐，三个人食都饱到不得了。呢个价钱，呢个质素，绝对系返转头的好理由。下次可以试吓嚟买外卖返屋企食，佢有个好丰富嘅外卖便当，下次一于试吓。