悅

营业中

休息中

铜锣湾Time Square “悦”，环境清幽，座位宽敞，器具都非常精致，行街之余食个lunch，叫左几款点心🥟🐷富上苹果叉烧酥 $68:叉烧酥就食得多，苹果叉烧酥都系第一次食，卖相好精致，咬落非常松软，外层脆皮里面馅料丰富，叉烧嘅甜度适中，口感唔错😋😋🥟海中龙皇伴金鱼饺 $108 : 两件金鱼饺简直系栩栩如生，再加上旁边嘅摆盘，令到整份菜式变得更加高贵，好似系一间五星级餐厅咁，配合左海鲜汤，里面有菜苗、蟹肉、杞子，又用花做点缀，新鲜脆嫩既虾，薄薄既皮再配鲜味既汤，简直系绝配😍😍😍🦐招牌虾饺皇 $78 :皮薄馅靓，仲有新鲜嘅虾，冇得输🥟黑鱼子豚肉北菇烧卖$68:呢款烧卖配合左怀旧同特别嘅配料，传统嘅烧卖里面有冬菇，佢哋再加咗黑鱼子，令到平平无奇嘅烧卖都可以做到咁有水准，唔错👍🏻🥟胡椒浓汤小龙包 $68:呢款小笼包有啲失望，佢系胡椒浓汤小笼包，但系里面嘅汤汁唔算多，胡椒味亦都唔算龙，而皮系某啲位有少少厚😟🦐脆皮鲜虾金沙肠粉 $88: 外层肠粉里面包住脆皮同鲜虾，放咗一阵咬落去都系脆既，而虾都好爽口😆😆🍰椰汁马蹄卷 $58 :将马蹄卷，之前比较少见到呢一款嘅甜品，但我觉得口感一般，唔系好食