華爾登麵包餅店

营业中

休息中

作为黄店，我觉得华尔登可算系典范，因为各种最重要嘅元素佢都包含到，确实系面面俱圆：有捐款，勤表态，紧贴局势；产品除咗款式多之外，卖相仲超靓仔，特制嘅模同印全部都正到不得了，又经常有新款，吸引顾客买完又买；店面有文宣有打卡位呢啲基本嘢唔在讲，仲喺旁边开多间楼上舖卖其他同路人嘅手作，自己设计嘅公仔亦都出咗一系列嘅 product，呢度又储咗班忠实嘅 fans。小店嘅 marketing 确实做得相当出色。当然，最重要嘅始终系食物质素，呢方面佢哋绝对系优质，上次我去时买咗件斑兰蛋糕，未食落肚都已经闻到好大朕斑兰嘅香气，咬一口，香味随即充斥整个口腔，久久不散，蛋糕嘅质感绵密得嚟亦不失软熟，仲有啲湿润嘅感觉，唔会干噌噌，系我喺香港食过最好食嘅斑兰蛋糕。