影片
更多
2023-08-23
202 浏览
店员有礼，环境企理唔逼，但食物味道真系唔得！本身只系打算入黎医下肚，所以无特登影啲食物，不过唔紧要，因为啲嘢食份量同卖相其实OK，只系味道出晒事…最后影左张单证明我帮衬过，因为食完好想俾个差评告诫大家唔好中伏…一个人叫左口水鸡刀削面（$75），加小棠菜（$22）同豆浆（$7）。口水鸡：- 望落份量好多，但其实无咩肉食，骨同皮为主。- 鸡肉可以话系完全无味，上面嘅一堆辣椒只系俾到啲辣味佢，但鸡肉完全无香味、鲜味同咸香味。刀削面：- 药膳汤底OK，偏淡味但我本身都食得清淡所以接受到（系啊我就系口味清淡都觉得只口水鸡无味！）- 啲面煮得太耐，无刀削面应有嘅挺身爽弹口感。小棠菜：- 唉 估唔到青菜都出事，啲小棠菜底部明显有啲未洗干净嘅泥！豆浆：- 本身叫黎解辣，一饮落口即刻后悔，因为完全无豆香，阵味仲奇怪到似饮紧洗洁精！- 之后听到伙记同隔离枱推荐豆浆，话系即磨，我真系唔信，除非真系即磨但店家用错晒方法材料…唉，最后埋单$104，食到一半仲有滴污糟水从天而降滴湿我块面🥲未至于食到一肚气，但觉得自己跌左百零蚊落街，早知去隔离食谭仔🥲
本身只系打算入黎医下肚，所以无特登影啲食物，不过唔紧要，因为啲嘢食份量同卖相其实OK，只系味道出晒事…最后影左张单证明我帮衬过，因为食完好想俾个差评告诫大家唔好中伏…
一个人叫左口水鸡刀削面（$75），加小棠菜（$22）同豆浆（$7）。
口水鸡：
- 望落份量好多，但其实无咩肉食，骨同皮为主。
- 鸡肉可以话系完全无味，上面嘅一堆辣椒只系俾到啲辣味佢，但鸡肉完全无香味、鲜味同咸香味。
刀削面：
- 药膳汤底OK，偏淡味但我本身都食得清淡所以接受到（系啊我就系口味清淡都觉得只口水鸡无味！）
- 啲面煮得太耐，无刀削面应有嘅挺身爽弹口感。
小棠菜：
- 唉 估唔到青菜都出事，啲小棠菜底部明显有啲未洗干净嘅泥！
豆浆：
- 本身叫黎解辣，一饮落口即刻后悔，因为完全无豆香，阵味仲奇怪到似饮紧洗洁精！
- 之后听到伙记同隔离枱推荐豆浆，话系即磨，我真系唔信，除非真系即磨但店家用错晒方法材料…
唉，最后埋单$104，食到一半仲有滴污糟水从天而降滴湿我块面🥲
未至于食到一肚气，但觉得自己跌左百零蚊落街，早知去隔离食谭仔🥲
36 浏览
0 赞好
0 留言
张贴
