漁樂 (黃大仙中心南館)

营业中

休息中

星期六夜晚唔想去太远，就去咗屋企楼下嘅渔乐食饭！之前都食过好几次，绝对系平靓正既泰菜！𠮶晚就叫咗香茅猪扒饭，炒金边粉同埋椰汁鸡汤！香茅猪扒饭分量够，猪扒亦都香口。但系个炒金边粉就酸左少少，有少少似厦门炒米，下次应该唔会再叫。个椰汁鸡汤就有诚意，劲大煲，好香好饮，我哋三个人饮唔晒要打包！汤入边仲有好多鸡肉，用嚟捞饭都得冬天食人多嘅话绝对推介！不过要一入去即刻嗌，因为预备时间比其他食物长。最后亦都嗌左个茄子，上边有少少焗芝士，好好味用嚟捞饭啱啱好！总括嚟讲，平平哋又可以食下泰国嘢，虽然唔系最正宗，过下口瘾，唔错啦