影片
更多
2021-08-14
2812 浏览
如果讲油麻地有咩小店好食，数一数右手手指，好快就会数到「和顺记」。其实好唔好食，根据Mcdull嘅「排队定律」，就略知到一二，多人排队通常唔衰得去边，冇人排就肯定有古怪。晏昼嘅「和顺记」多人排到一个点，除左40几50蚊抵食之余，碟饭足料大份，简单嘅鸡髀猪扒都整到几好味，所以又先吸引到唔少街坊帮衬。而我今日试嘅系下午茶。T7麻辣猪扒捞丁$38下午茶平好多？又唔系㖞，只能够讲系正常价钱。碟捞丁上枱𠮶时，我都怀疑紧自己，究竟系一块定系半块猪扒黎，点解可以少得咁离谱。「一块，半块；半块，一块……」我都唔知谂左几耐。谂到都唔记得试真啲个面，净系知煮得几爽，一丁定唔系一丁，都唔识分。半块嘅猪扒同面底分开上。捞丁本身都有豉油同油垫底，猪扒又有辣油系底，多油左啲，不过你可以选择唔捞晒嘅。猪扒都几松几入味。但认真丫，佢半块猪扒仲连咁大旧骨，我都好珍而重之，d肉系个口度「妹」左好耐。麻辣黎讲，算系麻味比较重，只系带少少辣，拌面黎食几好。「一分，半秒；半秒，一分……」哗，咁快就食晒。其实唔知系佢啲麻辣酱开胃，定系我真系唔够饱，我应该可以食多4-5个都easy执🌚🌝综合评分：7/10，其实几好食，可惜下午茶份
如果讲油麻地有咩小店好食，数一数右手手指，好快就会数到「和顺记」。
其实好唔好食，根据Mcdull嘅「排队定律」，就略知到一二，多人排队通常唔衰得去边，冇人排就肯定有古怪。晏昼嘅「和顺记」多人排到一个点，除左40几50蚊抵食之余，碟饭足料大份，简单嘅鸡髀猪扒都整到几好味，所以又先吸引到唔少街坊帮衬。
而我今日试嘅系下午茶。T7麻辣猪扒捞丁$38
下午茶平好多？又唔系㖞，只能够讲系正常价钱。
碟捞丁上枱𠮶时，我都怀疑紧自己，究竟系一块定系半块猪扒黎，点解可以少得咁离谱。
「一块，半块；半块，一块……」
我都唔知谂左几耐。谂到都唔记得试真啲个面，净系知煮得几爽，一丁定唔系一丁，都唔识分。
半块嘅猪扒同面底分开上。捞丁本身都有豉油同油垫底，猪扒又有辣油系底，多油左啲，不过你可以选择唔捞晒嘅。
猪扒都几松几入味。但认真丫，佢半块猪扒仲连咁大旧骨，我都好珍而重之，d肉系个口度「妹」左好耐。
麻辣黎讲，算系麻味比较重，只系带少少辣，拌面黎食几好。「一分，半秒；半秒，一分……」
哗，咁快就食晒。其实唔知系佢啲麻辣酱开胃，定系我真系唔够饱，我应该可以食多4-5个都easy执🌚🌝
综合评分：7/10，其实几好食，可惜下午茶份量少得离谱，生意难做我明，但唔好缩皮缩到咁过分啦脑细，-1分，6/10。
张贴
