九頭鳥米線 (勝意大廈)

营业中

休息中

琴晚放工见肚饿就食完野先搭车返屋企，都谂唔到食咩一路行就见到之前想试但未试既九头鸟。d 人话似谭仔，其实我都好多年冇食啦，1x 年前都唔错既，几年前食过两次都唔再觉得特别好食就冇再帮衬，所以无从比较。我叫咗湖南麻辣小辣米线，对我而言辣度刚好，同其他大部分既米线食店既辣度差唔多辣辣地又唔会辣到食唔到。呢款汤系我钟意既味道又唔油，我都饮咗几啖。米线方面我拣要林d，点知嚟到系爽既有少少硬，如果唔拣林d 到底会唔会硬到食唔到😅配料我拣咗腩肉同鱼腐，我平时好少叫鱼腐，但呢个鱼腐真系唔好食好林又好有油益味唔太食到鱼味同豆腐味极度唔推荐。另外个腩肉，五花腩肉片几香煮得林林地又唔会散晒带微微爽口唔错。整体因为个腩肉同汤底，我会想再帮衬佢。