沙嗲王 (金馬倫道) (已結業)

约左朋友来尖沙嘴食晚饭，行过楼下睇餐牌，见到价钱比较平，而且食物种类又多，就入左去试。我地三个人叫左蟹粉豆腐泡饭，咖喱海鲜pizza，脆虾棒，同西兰花炒菇。见到menu上写个蟹粉豆腐泡饭系人气菜式所以就叫来试下，来到个时个石锅仲系滚，热辣辣。食落去豆腐好滑，配埋咸咸地嘅蟹粉，配搭得几好，捞饭食好o岩，虽然个人觉得偏咸左d，但依然系好味。本来以为个海鲜咖喱pizza系中等size，但来到先发现系好迷你。佢嘅海鲜配料有虾，鱿鱼同带子，每样各两至三件。芝士捞埋咖喱汁，感觉几新鲜，味道都好，个pizza皮亦唔硬，好软身。至于脆虾棒一碟有八条，每条都啖啖虾肉，配埋沙律酱好好食。碟西兰花炒菇系最唔好食嘅，西兰花同菇都无咩味，好似比滚水煮熟完就算咁。四样野加埋每人一杯野饮大概要＄90一个人，性价比几高，食物质素大致上都几好。沙爹王算系抵食之选，好o岩一班朋友聚会。