尚青商號 (已搬遷) 新店位置

尚青系傅佩嘉开嘅小店，其实之前都食过一次嫁喇，不过今日再帮衬。铺头装修文青feel有台湾味，记得之前lunch hour 去，排超长队，冇得book冇筹攞。今晚去，因为二楼颇大，稍微等左两张枱好快就可以坐，职员话一个钟要交枱，不过走𠮶时都唔系话太多人，职员都冇过黎催。试左牛肉三宝饭，排骨饭。用珍珠米，饭好食。排骨饭要等耐d，都酥脆好食。牛肉饭相对上次食牛肉面好似比较一般，但都唔错。饮品系胚芽奶茶加仙草，早年胚芽曾经流行过，但系近年大型连锁奶茶铺都冇胚芽，胚芽味足，好怀念。仲叫左猪排刈包，其实都好食嘅不过似汉堡包多d，可能要叫d控肉刈包先多d台湾feel喇。你话系咪好食到令人感动又唔系，但系绝对好过求其走入一间台式餐厅，同埋以呢个地点、装修、价钱、味道，就算唔计老板背景，金钟返工真系冇d好d嘅选择啰，我都会再帮衬。