影片
更多
2023-06-04
643 浏览
呢间系我琴晚先喺网上睇到嘅，主打炒饭嘅食店，有啲新奇，所以就拣左今日收工过去会一会佢今日天气keep住都系咁热，我本来都想试下个招牌虾头油炒饭，但行到过去已经标晒汗，忽然又唔想食得咁油腻，最后拣左个焦香煎焗龙趸球饭可能我嚟到嘅时间已经过左繁忙时段，入到去睇到大概坐左4-5成人，位置都叫松动，而枱与枱嘅距离亦算OK，望落衞生环境都算唔错等左十分钟左右，个饭终于嚟到，有惊喜 首先个摆盘已经好吸引，睇到唔系求其摆埋一碟就算数，系有落过心思嘅 唔似一般嘅茶记放到碟饭「扁挞挞」，汁直淋饭面 呢度系用大量葱丝堆叠出蓬松感，另外配搭三色灯笼椒、红萝卜、椰菜去丰富碟饭嘅颜色，再加上四件㶶边龙趸块呈扇形摆放，望落都好有食欲一啖放入口，果不其然，味道同啱啱视观评测一样 香，弹，爽！ 炒饭底炒得够干爽，够镬气，而龙趸块就够厚够大件，入味！ 菜脯粒还可以，但略嫌偏旧，应该放得太耐喇 沙嗲汁我用筷子浅尝，觉得太浓味，唔太match，所以就冇用嚟捞饭整体嚟讲，食物都有8.8分 但觉得汁料方面要再落多啲苦功，因为都几影响进食体验，其实可以落几滴 柠檬/青柠汁，利用酸爽微涩嘅味道去平衡返油腻感，令每一啖keep住清爽
今日天气keep住都系咁热，我本来都想试下个招牌虾头油炒饭，但行到过去已经标晒汗，忽然又唔想食得咁油腻，最后拣左个焦香煎焗龙趸球饭
可能我嚟到嘅时间已经过左繁忙时段，入到去睇到大概坐左4-5成人，位置都叫松动，而枱与枱嘅距离亦算OK，望落衞生环境都算唔错
等左十分钟左右，个饭终于嚟到，有惊喜 首先个摆盘已经好吸引，睇到唔系求其摆埋一碟就算数，系有落过心思嘅 唔似一般嘅茶记放到碟饭「扁挞挞」，汁直淋饭面 呢度系用大量葱丝堆叠出蓬松感，另外配搭三色灯笼椒、红萝卜、椰菜去丰富碟饭嘅颜色，再加上四件㶶边龙趸块呈扇形摆放，望落都好有食欲
一啖放入口，果不其然，味道同啱啱视观评测一样 香，弹，爽！ 炒饭底炒得够干爽，够镬气，而龙趸块就够厚够大件，入味！ 菜脯粒还可以，但略嫌偏旧，应该放得太耐喇 沙嗲汁我用筷子浅尝，觉得太浓味，唔太match，所以就冇用嚟捞饭
整体嚟讲，食物都有8.8分 但觉得汁料方面要再落多啲苦功，因为都几影响进食体验，其实可以落几滴 柠檬/青柠汁，利用酸爽微涩嘅味道去平衡返油腻感，令每一啖keep住清爽不腻，尤其适合而家大热天
焦香煎焗龙趸球饭
$126
60 浏览
0 赞好
0 留言
张贴
