影片
更多
2015-05-15
2418 浏览
阿哥知我哋会去美荷楼，热烈推介「万发海鲜菜馆」。心谂有冇咁坚呀，佢咁嘴刁都话「真系好好味」?!! 结果，呢句嘢我哋唔知喺食嘅时候讲咗几多次。. 夜晚6:50去到，全店已爆满 (几大间的)！阿姐叫我哋坐出面等吓先，5分钟后再就有人带我哋去对面街楼上唐楼嘅分馆。入去嘅时候已有7成满，点埋菜之后，全爆，好彩早咗嚟！下次宜预先订位，或早少少到！. ▼ 薯仔牛柳粒 ($88) ▼ 初初斋睇名觉得好普通，亦想像唔到会有几好食，但见食评个个力推，又冇理由唔一试。一上枱心谂：死喇咁大碟，又系饱肚薯仔，仲有两味𩠌未嚟，会唔会食唔晒㗎…？ .然后发现一切担心都系多余，因为第一口薯仔已惊为天人。外层脆卜卜似薯片，内软而又充满劲浓郁嘅牛油味，从未试过口感如此有趣嘅薯仔！牛柳，明显系真材实料，唔系俾梳打粉破坏晒肌理嘅朋友。然后，个汁先系精髓，有黑椒味但又甜甜地，好似系蜜糖/焦糖，完美地包住每粒薯仔同牛柳！好美味啊～～(心心眼飞上了天花板)!!!非试不可！..▼ 蚝仔粥 ($40/碗) ▼ 两个人，千祈唔好嗌一“窝”，一“碗”好够食，每人分到 4小碗左右。足料多蚝仔，芹菜、冬菜、肉碎唔会同你悭，最开心系有好多咸香
.
夜晚6:50去到，全店已爆满 (几大间的)！阿姐叫我哋坐出面等吓先，5分钟后再就有人带我哋去对面街楼上唐楼嘅分馆。入去嘅时候已有7成满，点埋菜之后，全爆，好彩早咗嚟！下次宜预先订位，或早少少到！
.
▼ 薯仔牛柳粒 ($88) ▼
初初斋睇名觉得好普通，亦想像唔到会有几好食，但见食评个个力推，又冇理由唔一试。一上枱心谂：死喇咁大碟，又系饱肚薯仔，仲有两味𩠌未嚟，会唔会食唔晒㗎…？ .
然后发现一切担心都系多余，因为第一口薯仔已惊为天人。外层脆卜卜似薯片，内软而又充满劲浓郁嘅牛油味，从未试过口感如此有趣嘅薯仔！牛柳，明显系真材实
料，唔系俾梳打粉破坏晒肌理嘅朋友。然后，个汁先系精髓，有黑椒味但又甜甜地，好似系蜜糖/焦糖，完美地包住每粒薯仔同牛柳！好美味啊～～(心心眼飞上了
天花板)!!!非试不可！
.
.
▼ 蚝仔粥 ($40/碗) ▼
两个人，千祈唔好嗌一“窝”，一“碗”好够食，每人分到 4小碗左右。足料多蚝仔，芹菜、冬菜、肉碎唔会同你悭，最开心系有好多咸香方鱼块，吊晒啲鲜味出嚟。.
.
▼ 秘制胡椒虾 ($138) ▼
呢度话明系海鲜菜馆，点都要试一试海鲜。人人都话新加坡嘅胡椒蟹好食，唔知用嚟整虾又会系点嘅味呢？.
啲虾用石窝装住，上枱时冒烟ing兼香气四溢，胡椒连洋葱、青椒等一齐煮，想唔香都几难。虾应该有10只或以上，完全吸晒胡椒味，是好味的但肉质只属OK，有小部份弹牙新鲜，其他普通。下次会试其他。
.
.
▼ 环境服务 ▼
环境，非常适合一班麻甩佬围埋啤一啤食好嘢再讲女友是非的格局，因为我哋隔离就有一枱xddd。点菜记得一take过叫晒，后加单要等劲耐的，因为实在太多人太多单！另，揾个貌似醒啲嘅阿姐落单，几时都有著数。
.
张贴
