粵來順 (已結業)

一行几人食饭，位置唔算好揾，唔太近地铁站，建议食饭人数最好多少少，因为𩠌既份量都几多，杏汁白肺汤，订台既时间会问你留唔留汤，个汤好好饮，好润杏汁味又够浓好好饮，千丝芝心球，里面系虾肉，亦有芝士流心，味道唔错，亦炸得好脆，但出面既千丝太厚，食完好似食左成个炸面入口，有d饱，金勾银柳，虾干鱼面虾籽炒粉丝，炒得够干身，亦好多虾籽，推介，冰梅榄豉骨，好大件，用黎𩠌饭一流，个汁较得好好，椒盐鲜鱿，鱿鱼本身无咩调味，味道主要靠炸蒜，味道偏淡，一般，卤水拼盘，正常，腊味炒芥兰，呢个个就油左些少同埋咸左d, 整体黎讲，食物味道唔错，份量系多，价钱亦唔算太贵，店员服务亦好好，值得再去。