水戶日本料理

营业中

休息中

由于已经一段长时间无食刺身，所以特登拣左间日式小店满足下个欲望。星期六餐厅无LUNCH MENU，只可以点主餐牌既食物，不过价钱唔会太贵，鱼生丼饭最平$60头就有，价钱可以接受。由于朝早做完运动，特别肚饿，所以两个人order左颇多野，食个丰富lunch。即使临近午场休息，但仍然有唔少食客进场，睇黎颇有人气。三文鱼刺身 $48一客有五件，每件系厚切，价钱超值，但略嫌唔够鱼味。葱吞拿鱼蓉丼友人想食鱼蓉，但我本身唔中意食吞拿鱼(除左拖罗刺身)，所以无试到。牛肉寿喜烧加手打乌冬 $18呢个寿喜锅$7X几抵食，肥牛片都几多，而且仲有好有蛋香既流心蛋、蔬菜、豆腐、金菇，最估唔到原来入面有粗粉丝早知就唔加乌冬，因为乌冬只系用水煮过，无底味，加入寿喜烧汤底果阵已经吸唔到汤味，但好彩都算弹牙。天妇罗虾卷呢个卷物相同以上食物相比性价比较低，印象中要$66。炸虾食落依然脆口，不过虾味唔重，整体味道正常。整体食物质素对得住个价，屋村日式小店，唔能要求太高，加上疫情之下，不便去人多又远既地方，系咁易满足下食刺身既欲望就算。