影片
更多
2014-10-09
5416 浏览
之前食过LabMade嘅分子雪糕，对其印象麻麻，其实对分子雪糕算不上好大兴趣，因为感觉「卓头」嘢过于实际，只喺揾液态氮嚟「急冻」啲雪糕浆，总感觉欠缺分子料理嘅精神，即喺味道或形态都喺你估佢唔到。仲记得以前睇开日本嘅铁人料理，唔记得喺煮法国菜嘅坂井宏行，抑或煮日本菜嘅道场六三郎，十之有七次都喺将大会指定食材搞烂做雪糕，佢啲味道就真喺你估佢唔到喇！从杂志所见，新开无耐嘅IcePop主力又喺卖分子雪糕，试图晌依个市场分一杯羹，不过，吸引我唔喺佢嘅雪糕，而喺文章提及嘅店主「蓝带女厨」，既然学咗一身好武功，又加上见佢啲蛋糕卖得相当平，当然要见识一下啦。门口个霓虹招牌已十分之抢眼，开放式厨房设于铺面位置，时时刻刻都烟雾弥漫，睇住啲店员不断制作分子雪糕，既吸引街外游人，又可以当作为娱乐一下客人，等候期间睇吓都几过瘾。而店内环境以黑白为主色调，衬以不少玻璃装饰，全场廿零个座位，都喺高脚枱櫈，就连玻璃枱面都喺啲跟分子雪糕相关嘅绘图，有趣兼型格。再者，地方都算阔落，有得坐又有冷气叹，唔怕日晒或雨淋，天热又唔怕雪糕溶得快，相信比起晌LabMade买完晌街上食，就更有吸引力。其实，分子雪糕以外，IcePop都
从杂志所见，新开无耐嘅IcePop主力又喺卖分子雪糕，试图晌依个市场分一杯羹，不过，吸引我唔喺佢嘅雪糕，而喺文章提及嘅店主「蓝带女厨」，既然学咗一身好武功，又加上见佢啲蛋糕卖得相当平，当然要见识一下啦。
门口个霓虹招牌已十分之抢眼，开放式厨房设于铺面位置，时时刻刻都烟雾弥漫，睇住啲店员不断制作分子雪糕，既吸引街外游人，又可以当作为娱乐一下客人，等候期间睇吓都几过瘾。
而店内环境以黑白为主色调，衬以不少玻璃装饰，全场廿零个座位，都喺高脚枱櫈，就连玻璃枱面都喺啲跟分子雪糕相关嘅绘图，有趣兼型格。再者，地方都算阔落，有得坐又有冷气叹，唔怕日晒或雨淋，天热又唔怕雪糕溶得快，相信比起晌LabMade买完晌街上食，就更有吸引力。
其实，分子雪糕以外，IcePop都有几多嘢卖，蛋糕就唔在讲，仲有超多饮品选择，矿泉水、有气果汁、咖啡、西茶、朱古力、鲜果沙冰超过30多款，所以，嚟到唔食雪糕，都可以饮杯嘢。
从冻柜所见，是日蛋糕共有4款，分别喺纽约芝士蛋糕（$28）、芒果蛋糕（$30）、香芒天使（$32）、柠檬蛋糕（$30），全部都喺由女店主每日自家制，最后，拣咗最后两款蛋糕一试。
香芒天使 $32香芒天使大抵就喺晌台湾常见嘅雪莓娘，外皮超软绵，黏柔带有少少韧劲，厚薄适中，而内里注满幼滑少腻嘅忌廉及清甜香浓嘅芒果肉，用料一啲都无欺场，食一个真喺好叫人有满足感。
柠檬蛋糕 $30从其他食评所见，跟之前卖开嘅柑橘蛋糕（$30）极之相似，唔讲以为大家食紧同一款蛋糕添，明显喺做法一样，味道稍微转变，建议店主可将两者晌装饰上再下点功夫，例如柑橘蛋糕可加点蜜饯橙干，柠檬蛋糕可加片烘透嘅柠檬片，令到卖相有所区分。讲番个柠檬蛋糕，层层相间，蛋糕底加有杏仁碎，多份咬口，而柠檬软浆清新唔太酸，面层嘅忌廉打得柔滑少甜不腻，质素真喺有啲水准，唯卖相、摆碟仍有改善空间。
鲜奶玛琪朵Latte Macchiato $36当晚见到湾仔OVO Café个老板Felix晌度搞咖啡，以前跟过佢学拉花（一堂过贪玩𠮶啲），当然我认出佢，而佢唔识得我啦。原来，佢晌依度帮手做咖啡顾问，顺便培训啲新人，故此即场再点杯鲜奶玛琪朵，由大师冲泡兼拉花，认真有幸，睇睇个美女图案，图案复杂，线条细致，而咖啡香有余韵，奶泡又超幼滑，不愧大师杰作。
IcePop比起一般雪糕店多元化好多，所以，客路亦应该会阔一啲。而以客人而言，多元化好处就喺几个朋友嚟到，唔一定要饮雪糕，可以各有所好。
张贴
