點煲 (星輝台智星閣)

营业中

休息中

丫妹口中经常提到「点煲」嘅煲仔饭好好食, 一search原来公司附近都有分店, 约埋同事今晚放工一齐去食返餐。果然真系冇令我失望! 绝对值得推介同埋加入encore list。餐厅内霓虹灯布置, 令整体感觉很有香港地道风味。Menu上有数款中菜, 当然唔少得主打嘅煲仔饭!【金银蒜开边虾煲仔饭】HK$88煲仔饭热辣辣上台, 开盖散发香喷喷, 多只开边金银蒜虾布面, 香蒜令虾肉鲜甜味提升, 紧贴煲仔边嘅饭生成了金黄脆卜卜饭焦, 加上餐厅秘制豉油, 超好味!+HK$20 追加花雕浸鸡肾冷盘冻食, 鸡肾很入味, 甘香香醇花雕味浓郁, 鸡肾爽口唔硬。另外见到呢款烧鸡劲吸引, 顺道order咗, 点知同样有惊喜!!【备长炭火烧鸡】HK$198烧鸡烧得金黄, 原只上台, 跟一张「剪鸡大法」自行将鸡剪成一件件, 一剪开发觉烧鸡劲juicy!! D肉汁多到漏出黎!! 皮脆肉嫩正好形容呢只烧鸡, 唔洗再额外调味, 已经食到鸡嘅原汁原味。