澳門丸記清湯腩王 (已搬遷) 新店位置

本想食㗎喱羊腩 但要$60，都系稳阵啲，试㗎喱牛腩先。食咗一啖就知中伏，啲香料太重手喇，又唔辣，好耐都未食过咁难食嘅㗎喱喇，$48咁嘅货色，真系贴钱买难受。乜㗎喱真系咁难煮嘅咩？完全系非专业嘅作品，比业余更业余。香港揾好食嘅㗎喱真系唔容易，食来食去都系得鹅颈桥街市嘅惠记，九龙城嘅清真牛肉馆，唔该做得食店嘅，就用多啲心机，只牛畀咗条命你，你就整好啲啦。其他未食过，可能清汤腩先至系主打。下次先啦，但唔知仲有冇下次? 呢次真系坐直升机咁，伏伏伏伏伏伏伏...