糖朝 (已結業)

一班旧朋友食圣诞聚餐，点知原本晚饭嘅餐厅出现老鼠，食到半饱都吓到我地立即转场，近近地就黎糖朝谂住坐得舒服d食个甜品。地方环境算宽敞，我地7个人安排坐圆枱，总算方便倾偈。我好普通地叫左红豆沙豆腐花，第一啖食落口真系吓亲。红豆沙无豆味又唔起沙，味道似红豆水，红豆又硬。谂住呢度出名一桶嘅豆腐花，希望质素会好d。。点知毫无豆味，石膏粉大多，一d都唔滑，街边几蚊一碗嘅好好多。呢度目测超过9成系国内客，睇黎都系做游客生意。出名左质素就每况愈下。记得以前响广东道嘅糖朝质素好好，卖相精致，今次真系劲失望。