班蘭葉印尼餐廳

营业中

休息中

寻晚第一次去印尼🇮🇩，啲嘢又几鬼好食，门口打卡仲好正添📸！巴东牛肉饭🐃第一次食竟然系喺澳洲，食过之后非常难忘。今次食返正宗印尼版本。肉质仍然松软，啖啖肉得来，冇𠮶种牛腩嘅肥腻感。沙嗲汁配菜出奇地好食，超级丰富多款式嘅配菜，非常爽口。泰国米粒粒分明而细长，非常好捞饭又唔会一pat pat。印尼秘制汁烧鱼饭🐟奶绿色嘅班兰饭实在太吸引，非常香，唔需要额外捞汁已经好好食。俾足成条烧鱼你，配一个秘制香辣汁。烧鱼本身已经好够味，重点系佢个甜甜地嘅脆皮，所以肥啲都要连皮食啊！鸡肉黄金饼🫔分量大到O咗嘴，馅料同想像中都有唔同。黄金系有蛋有杂菜有芝士，幻想下有啲菠菜蛋饼嘅感觉，但系春卷嘅脆皮，当然仲有好多爽脆嘅蔬菜啦。个汁就甜甜辣辣，点小小都唔错㗎。黑糯米特饮🧉餐厅可以比客人选择少甜，减甜后减少负担，黑糯米本身都唔系用糖水浸个种，可以食返原材料原味。斑斓兰沙冰🌿贵餐厅嘅斑兰真心冇得输，沙冰震惊到我朋友，加上食物都系偏香脆同多味道，有清新嘅斑兰特饮中和下就非常啱了。