泰越 (已結業)

好耐冇黎，好担心间舖仲系吾系度，话依家D租系咁加。要做企得住既食肆一D都吾容易。今日星期五店外既几张枱都坐满可能食烟或者怕抄牌所以外面比较热闹。反观店内大把位选择。我谂呢度租都吾平所以好担心吾知咁好食既野几时又消失。我叫左次次都例牌点既蒜蓉包。呢度既蒜蓉包系厚吐司而且三边横切面都搽有牛油蒜蓉。一般食开既蒜包都系法包，而且只搽一边仲可能刮损咀角。呢度完全吾好味道调教刚刚好，又脆又软又岩咀形。系最⋯好味既。老公叫左佢最钟意既菠萝炒饭，老实讲我每次食完一匙之后一定会张碟饭D配菜逐粒逐粒挖返出黎，青豆呀，提子干呀，腰果呀⋯⋯呢度食就完全冇呢件事发生。菠萝吾会酸同有渣。饭炒得香之余仲吾油吾干。最高既境介系能够将一D平时自己吾食既野炒埋一碟之后自己竟然食晒，除左好味之外仲有种juicy既感觉。我再叫左黄咖哩鸡，有好香咖喱味，吾太辣。外面好多都椰奶味太重。呢度D调味份量非常准。老公又叫左酸辣鳯爪，呢个菜好多地方有不过吾系太酸最太辣永远平衡吾到，呢度吾洗我多赞，结果我同老公清晒所有捧住个肚走。