爭鮮外帶壽司 (連理街)

营业中

休息中

媽媽有時唔想煮飯，就會叫我地收工嘅時候順便買外賣返嚟，今次佢仲講到明想食爭鮮嘅壽司，所以我就咩都揀啲，買返屋企啦。因為我哋屋企嘅人數唔少，所以都買咗幾多返屋企。不得不說嘅係，爭鮮嘅壽司的確係好划算，但係相對地，一分錢一分貨，唔好期望太高。呢盒裏面咩都有齊晒，其實佢嘅味道都算係咁，正正常常，唔會話唔好食，但係一食落去你好明顯會發現所有嘢都係好薄，三文魚、帆立貝、甜蝦都係好薄嘅一片，但係最薄嘅都係火炙三文魚，幾乎係只係得一層皮😅不過我哋揀咗佢都預咗。反而係鰻魚壽司有啲驚喜，雖然都係有啲薄，但係個醬汁味道唔錯。總括嚟講，如果你突然唔想煮飯或者想食一餐平平哋嘅壽司，而你嘅要求又唔係好高既話，佢都係一個唔錯嘅選擇。