是但求其食 (已結業)

平时好少走入去朗屏揾野食，因为觉得位置有点唔就脚，但原来朗屏都真系有几多好西架㖞！今次就去了一间叫做<<求其是旦食>>既西餐厅，个名好特别。一进入店内，已经好惊讶，因为有投射大电视系墙身播紧video。座位坐得舒服，而侍应亦很好态度，好细心。 龙虾汁海鲜扁意粉 - 意粉质地煮得刚刚好，软硬恰当，配上新鲜大头虾，以及少量海鲜，十分好食！ 黑松露野菌Pizza – 最怕食完一块已经食饱左个肚既厚Pizza，但我地食既呢个Pizza底好薄脆，一d都唔腻，两个女人每人3块都唔觉得滞，好正。 炸蕃薯条 - 很香脆，一点都唔油腻，带有少少甜味，初头以为会食唔哂，但转头已经成兜清左！ 热情果沙冰 – 好大杯，劲抵饮，热情果味道都浓，好饮！奇异果梳打 - 甜度刚好。总括来说，食物方面很有水准，环境同服务态度方面都很好，价钱亦都合理，值得大家都去帮衬同品尝一下。