影片
更多
2010-11-22
13 浏览
19-11-2010收工要赶「下场」, 奈何「下场」地点一带无啖好食, 唯有喺湾仔揾间茶记快快食完先过去吧. 而嚟了呢度, 纯粹因为前几日见到呢度新开, 地方好似几干净而已. 叫了其中一款「常餐」, 有炒蛋多士 (亦可选温泉蛋沙律),「和牛汤意粉」及热奶茶一杯 ($42):-炒蛋多士: 炒蛋色水黄得很, 炒得唔算好滑, 亦盐都无落一粒, 不过都有点蛋汁, 食落亦有蛋香, 自行洒少少盐调味一下, 都 ok 的; 厚多士的牛油好咸吓, 不过烘得外松脆内软熟, 都几好食.和牛汤意粉: 汤意粉竟然煮得烟韧有咬口, 第一次食茶记意粉都遇上 al dente 的质感㖞, 哈哈 汤底清清的, 味道似「史云生」, 无 MSG 粉的味道, 几唔似茶记, 哈哈; 配料仲有鸣门卷, 味付紫菜, 粟米及葱花 etc, 虽然食味麻麻, 但系粉饰得几靓的; 而「和牛」就系疑似吉野家的「和风牛肉」, 薄薄的, 味道甜甜的, 亦算几有肉味, 不过最好食当然系 d 洋葱, 食落爽口清甜又无「辛辣」/「涩」味, 相信用嚟送饭都会好食.朋友食照烧鸡扒公仔面: 试了几条公仔面, 煮得几腍吓; 又试了少少鸡扒,
19-11-2010
收工要赶「下场」, 奈何「下场」地点一带无啖好食, 唯有喺湾仔揾间茶记快快食完先过去吧. 而嚟了呢度, 纯粹因为前几日见到呢度新开, 地方好似几干净而已.
叫了其中一款「常餐」, 有炒蛋多士 (亦可选温泉蛋沙律),「和牛汤意粉」及热奶茶一杯 ($42):-
炒蛋多士: 炒蛋色水黄得很, 炒得唔算好滑, 亦盐都无落一粒, 不过都有点蛋汁, 食落亦有蛋香, 自行洒少少盐调味一下, 都 ok 的; 厚多士的牛油好咸吓, 不过烘得外松脆内软熟, 都几好食.
和牛汤意粉: 汤意粉竟然煮得烟韧有咬口, 第一次食茶记意粉都遇上 al dente 的质感㖞, 哈哈 汤底清清的, 味道似「史云生」, 无 MSG 粉的味道, 几唔似茶记, 哈哈; 配料仲有鸣门卷, 味付紫菜, 粟米及葱花 etc, 虽然食味麻麻, 但系粉饰得几靓的; 而「和牛」就系疑似吉野家的「和风牛肉」, 薄薄的, 味道甜甜的, 亦算几有肉味, 不过最好食当然系 d 洋葱, 食落爽口清甜又无「辛辣」/「涩」味, 相信用嚟送饭都会好食.
朋友食照烧鸡扒公仔面: 试了几条公仔面, 煮得几腍吓; 又试了少少鸡扒, 鸡肉几腍但有点干, 鸡皮就韧韧的, 不过涂了唔少照烧酱汁, 其实都几难会难食?
热奶茶够滑, 茶 vs 奶 (唔知是否又系「3.6」牌?) 约 6:4, 饮落茶味香, 无涩味, 有点似隔嚟街「湾仔版澳牛」(http://www.openrice.com/restaurant/commentdetail.htm?commentid=2060390) 的出品, 好饮㖞.
环境有点「日式西餐厅」feel, 店内极干净, 阿姐们亦友善有礼, 不过星期五夜晚认真好冷清
埋单每人 $50 有找, 可以一试.
张贴
