和匠日式燒肉店

营业中

休息中

最近天气冻冻地最啱就系食啲暖笠笠嘅嘢， 同朋友拣咗间位于佐敦的日式烧肉店，试新嘢。间舖头有少少神秘，在后街， 意想唔到闲日都坐满， 有唔少捧场客。叫咗几份烧烤， 一份沙律两份熟食加野饮。和风豆腐沙律用咗芝麻酱，豆腐好滑， 清清地好醒胃。美国prime牛小排份量唔少，有十块 ，油脂分布平均， 虽然未去到入口即溶但都好嫩滑。盐烧猪腩肉切得好薄身，烧烤时间唔使太耐好易熟，本身有已经有盐，已经好入味。日本产阿波尾鸡腿肉 就算烧耐咗， 肉质依然嫩滑，值得推介。澳洲谷饲羊架羊架切件上，方便进食同烧烤，都几细心，肉质好嫩滑，而且一啲都唔骚， 值得推介。三文鱼子海胆炒饭分量足，材料丰富，有三文鱼籽元贝同海胆， 干湿适中， 味道唔错。杂锦天妇罗有大虾、茄子、南瓜、蕃薯 ，件件都好大旧，新鲜炸起，外脆内软， 认真不错。热情果特饮食咗咁多烧烤同热气嘢， 真系唔可以少咗杯特饮来降降温，舒服晒。