民初家傳食譜 (已結業)

之前食过一次卤水腩肉蛋饭，个卤水系佢哋自己煮，劲香，今次一于外卖同妈妈食晚饭！由湾仔拎到入大西北仲暖既，但阿妈坚持要翻热，估唔到个「思乡鸡」仲咁滑，一啲都唔鞋，d姜丝切到…可能系世界上最幼既姜丝，连埋d木耳，鸡汁一齐捞饭，真系好好味😋个「咕喱茶」系佢哋个招牌菜，用汤骨同药材煲既，又几足料，鲜甜香浓，唔似出面d肉骨茶得个咸字，肉骨岩岩好，一扯条肉就出黎了，正！2个餐加埋都系$103，成碗汤饮晒，d鸡汁又清埋，但一d都唔口干，老细话冇味精又冇鸡粉系真既，完全真材实料。