阿來東南亞風味 (已結業)

黎广华街食野，行到街尾见到呢间东南亚餐厅，主打泰菜。全日免加一。我地两个女仔，叫左一菜、一汤、一主食。马拉盏炒椰菜苗（$58）黎到即刻觉得炒得好香，菜苗都几多，味道唔会好咸。软壳蟹火山包（$138）呢个火山包算系打卡之选。两只软壳蟹切开四大件，用一大个农夫包装著咖哩汁。个咖哩汁唔算好浓，味道差少少，但系份量搭救，多到满泻，配饱食真系几正。软壳蟹大大只，炸完都几脆身。椰汁鸡汤（细）（$58）呢个椰汁鸡汤我地几钟意。有冬阴功嘅酸味，又有椰汁嘅味道，入面仲有好多菇同鸡粒。啲鸡系滑嘅，非常入味添。埋单$264，总括黎讲味道都几正常，又抵食。装修系茶记装修，有三个卡位，地方算干净整洁。