影片
更多
2024-11-27
0 浏览
今日陪朋友喺附近睇医生，之后行经呢间咖啡店。朋友话之前嚟饮过咖啡几好饮就决定入去顺便食个休闲午餐。铺面唔大但木系装修都几舒服，墙身摆咗唔少客人嘅画作，几有亲切感。讲返食物方面佢嘅假日餐牌都有好多种类除咗all day breakfast，多士系列，仲有意粉同汉堡，而最吸引我嘅就系牛角窝夫！我哋分别点咗两客意粉同2个牛角窝夫。等食物之前就饮住咖啡同蜜糖柚子梳打。咖啡好香，朋友好欣赏，话好好饮。转头食物都好快准备好，份量好多而且卖相好吸引。明太子大虾意粉同卡邦尼意粉，两款嘅意粉都煮得啱啱好火喉，唔会太淋，烟韧又咬口！明太子酱食起嚟咸香味浓啲，加埋爽口大虾，好夹！至于卡邦尼酱汁食起嚟比起好多西餐厅更为出色，意粉挂晒酱汁，浓浓芝士味，配搭火腿同蘑菇片，好食！转头我哋就点埋甜品食，开头以为佢呢个价钱个牛角窝夫份量应该好细，点知原来一客都有两件，重要好味道。我哋分别拣咗两个口味，一个系抹茶麻糬红豆；另一个就系自家制蓝莓酱配雪糕。牛角窝夫烤得香酥，食落有少少脆口，牛油香味十足。两种口味各有特色，蓝莓酱同雪糕就香甜啲；抹茶麻糬红豆就口感丰富，两款我都钟意！店员话闲日仲有weekday menu，可以以
铺面唔大但木系装修都几舒服，墙身摆咗唔少客人嘅画作，几有亲切感。
讲返食物方面佢嘅假日餐牌都有好多种类除咗all day breakfast，多士系列，仲有意粉同汉堡，而最吸引我嘅就系牛角窝夫！
我哋分别点咗两客意粉同2个牛角窝夫。
等食物之前就饮住咖啡同蜜糖柚子梳打。咖啡好香，朋友好欣赏，话好好饮。转头食物都好快准备好，份量好多而且卖相好吸引。
明太子大虾意粉同卡邦尼意粉，两款嘅意粉都煮得啱啱好火喉，唔会太淋，烟韧又咬口！明太子酱食起嚟咸香味浓啲，加埋爽口大虾，好夹！
至于卡邦尼酱汁食起嚟比起好多西餐厅更为出色，意粉挂晒酱汁，浓浓芝士味，配搭火腿同蘑菇片，好食！
转头我哋就点埋甜品食，开头以为佢呢个价钱个牛角窝夫份量应该好细，点知原来一客都有两件，重要好味道。
我哋分别拣咗两个口味，一个系抹茶麻糬红豆；另一个就系自家制蓝莓酱配雪糕。牛角窝夫烤得香酥，食落有少少脆口，牛油香味十足。
两种口味各有特色，蓝莓酱同雪糕就香甜啲；抹茶麻糬红豆就口感丰富，两款我都钟意！
店员话闲日仲有weekday menu，可以以更优惠价钱加配咖啡或其他饮品，我下次要再嚟呀！
张贴
