Coti the Bistro (企業廣場)

营业中

休息中

好少会过嚟九龙湾工业区呢边，朋友介绍呢间西餐唔错，就专登揸车过嚟试吓，附近都几多停车场，对揸车人士来讲非常方便。餐厅坐落于商厦之中，都算易揾，我哋六点左右去到，唔系好多人，当我哋走嘅时候已经坐满左八成人。呢度嘅咖啡种类非常多，比较少见嘅例如游戏柠檬咖啡、Tiramasiu咖啡、焦糖布甸咖啡都有，对于钟意fusion咖啡嘅人嚟讲，好值得探索一下。老公叫咗杯flat white，卖相就普通，不过味道唔错，咖啡味都几浓。我饮个杯就好特别，咖啡果皮茶配蜜糖系侍应推介。个味道真系好特别，有少少似凉茶，配左蜜糖就减低左苦涩味。晚市我哋叫咗两个主菜，包左餐汤同埋沙律，餐汤系罗宋汤，味道都唔错，几足料。沙律细细兜，但系有啲藜麦及橙肉，几健康。黄金蟹肉阔条面（ $92 ）蟹肉分量唔算好多，不过就配上墙脚蟹柳，而且加入左咸蛋黄，原来咸蛋黄同忌廉白汁个味道都几夹。忌廉白汁唔会太腻，有浓郁牛油味，意粉份量都唔少。牛油果软壳蟹汉堡配蜜糖薯条 （$108）软壳蟹己有惊喜，都几大只，而且外面脆卜卜里面都几Juicy。