Grotto

营业中

休息中

上次经过饮咗杯好好饮的咖啡，今次就决定坐低食Lunch。午餐有饭、千层面、All day breakfast拣，款式唔算多不过肉食人士或走肉人士都有得拣。63度蛋巴马火腿牛油果吐司有大啡菇、和式特调酱及特制莎莎酱，颜色相当丰富，大啡菇好juicy，巴马火腿包住只蛋，有卖相又好味，牛油果质地软滑，想食light啲可以拣呢个。黑啤朱古力炖牛肉配珍珠米及63度蛋 $128牛肉煮到好软腍，而且牛肉味浓，而个酱都食得出有朱古力味，味道比想像中夹，而且食完都唔会觉得腻，加埋个蛋味浓的鸡蛋，正！千层面（素）$108为素食人士而设，用新猪肉、芝士、茄酱及纯素香酱炮制，食落都好香口，芝士味又重。当然，始终系用素嘅新猪肉关系，所以同平时嘅千层面味道都系有少少唔同。冻/热果茶 跟餐唔驶加钱冻同热味道唔系争好远，都系有满满果香，不过冻饮睇落靓啲。Flat white 配餐加$20入口香滑，仲有咖啡香，好饮。expresso tonic $48咖啡的浓香配清新的tonic，视觉已经好靓，饮落味道平衡，夏天饮真系一流。