正記冰室 (已結業)

正如标题所讲﹗咩叫瑶柱蛋白炒饭…我都唔知系咪应该解读为厨房师父刀功好﹗因为，碟饭拎到埋黎，真系无为意佢系有瑶柱，食食下，我男人问我﹕呢碟系咪瑶柱蛋白炒饭﹖我呆一呆，望返碟饭…系㖞﹗唔见啲瑶柱，当时一心以为系厨房忘记落，于是，叫个靓女黎问下…佢望完又拎住我碟饭入去，再拎返出黎话﹕师父话有，系瑶柱丝。吓…系我听错定系睇错﹖咩丝呀﹖其实我唔系要佢加返或减价…只系想问个明白﹗佢望住我果种无奈，好明显佢都睇唔到啰﹗我话，唔紧要，你帮下眼睇，边度有﹖佢苦笑﹗我亦无谓难为佢，叫老板黎啦﹗我继续食…因为，呢刻咩都唔重要啦﹗有位女士，应该系老板娘，走黎讲﹕哦…你差唔多食完呀…﹗我话系，想问清楚，咩系瑶柱﹗佢话有架﹗系瑶柱丝﹗咁…佢话入去问厨房加返俾我…系…佢真系有拎碟仔既净瑶柱俾我﹗好有诚意。一望之下，点解啲瑶柱唔系平时见既颜色﹖系扁白既一堆，又唔可以话佢系丝…因为真系一堆仔咁放响细鼓油碟度﹗＿我可以讲咩﹖我话唔使啦，得啦﹗你拎返去俾师父，我已经食完﹗以上全部属实﹗我唔清楚商品说明条例，但写得瑶柱…无话系丝，收得60几蚊一碟饭﹙唔太记得系咪，应该咁上下﹚，太和街巿既冰室，咁既价钱﹗我唔可以话唔嬲啰﹗我无