紅火鮮料火鍋專門店

营业中

休息中

睇到上网介绍呢间餐厅cp 值高， 专登今日去试下。有得拣打边炉、韩烧、刺身，一场嚟度，当然要试最贵，要晒三样，但其实要晒三样都系差唔多200 咋，可以满足晒三个愿望，真系好抵食。叫咗花胶鸡汤底，好足料，有半只鸡、几块花胶，落野食之前，饮咗碗鸡汤，超级鲜味！之前上网睇系用纸去嗌嘢食，而家改咗做用QR code，非常方便。有知非常好嘅位系，通常打边炉嘅餐厅最多都系可以半碟咁嗌，但呢度嗌嘢食可以一件一件咁嗌，啱晒我呢啲每样都想试嘅人。呢度有好多款嘅海鲜可以拣，特别系呢个象拔蚌同埋鱿鱼，非常爽脆、鲜嫩。炸物非常推荐榴梿炸弹，上碟嘅时候仲系好热口，而且入面仲有唔少嘅榴梿果肉。