吉列牛忌廉烏冬專門店 (百樂中心) (已結業)

终于完结咗忙碌嘅一星期，Boomark咗忌廉乌冬都有一阵子，加上好耐无出过港岛区，顺便食野买野放松下。题外话，之前有食过百乐中心另一间餐厅，发现呢间同之前个间格局同装潢8-9成相似，唔知大厦其他餐厅系咪都系咁，几有趣。-美式顶级牛里脊套餐 $178内有美国牛里脊、芝士大啡菇、大量炒洋葱。牛里脊肉身颇丰厚，尺寸虽然唔太大，不过入口够满足。放上小铁板上烧一烧，即使烧㶶咗少少，肉汁依旧，牛味不俗。以呢个价钱而言，如份量再多啲，性价比会更高。*烧肉时要小心弹出嘅油脂，如店家可以供应小围裙就更好，因为好易弹到衣物。芝士大啡菇几有惊喜，芝士加入香草及洋葱提味，大啡菇多汁有韧度，食得出几新鲜。-咖喱忌廉鸡肉乌冬 $78忌廉乌冬可谓令我又怕又想试，因乌冬上一大堆嘅忌廉总令我惊有伏，但原来食落系几正常。将忌廉同咖喱乌冬拌匀，微辣之余，乌冬口感多咗一份轻盈同滑溜感。-咸蛋薯条 $38因为惊食完主菜唔够饱，叫多咗一份咸蛋薯条。食到咸蛋起沙嘅质感，香草提升香气。咸香薯条配黑松露酱都唔错，有助减轻咸蛋嘅腻感。