過橋麵檔

营业中

休息中

朋友啱啱生左个 b， 呢日我就入大西北探b + 食姜醋 😋。上去朋友屋企前要医下肚先，系佢屋企附近见到呢间过桥面档，个招牌红当当咁得意，就去试下。打开餐牌见到好多选择都唔知叫咩好， 侍应姐姐见我咁迷惘， 就过黎指点我迷准。😂佢强烈推介我食咸鸡饭， 话系用新鲜鸡整，好鲜味同冰鲜鸡好唔同，食过会返唔到转头。咸鸡饭一黎到，就知姐姐介绍无错。鸡皮好有光泽油香，鸡肉充满弹性，肉味浓郁， 一食就知冰鲜鸡无得比， 根本无需要沾任何酱料就已经好好食， 如果沾酱，我仲觉得破坏左鸡肉本身既鲜味tim。不过元朗对我黎讲真系太远， 唔系成日有机会食到，如果下次再黎，想试下霸王鸡😋😋😋。