磊

营业中

休息中

今日去咗亚洲博览馆睇show， 喺亚博馆行过少少，有一间叫做丽豪航天城嘅酒店，咁衬个show 未开始之前，去食少少野，唔驶睇睇吓肚饿都好。呢间餐厅喺酒店地下𠮶层，应该系食多国菜，啲座位都几阔落，几好坐，楼底又够高，够开扬，我哋叫咗个Lamb Rack同埋Club Sandwich，Lamb Rack有三件，五成熟，好软嫰，个汁做得好香浓；而Club Sandwich系用酸种面包，有清清地嘅酸香味，烘到外脆内软，馅料好足，拎起嚟咬会觉得每啖都好丰富，而入面嘅鸡肉就有浸黑松露嘅香气，同其他高档餐厅嘅Club Sandwich有啲唔同，两款食物都有配炸薯角，每条都外面酥脆中间软糯，有少少调味，唔使落茄汁都好好味，两个人两份食物够晒饱，应该睇完show 都唔会觉得肚饿。我哋仲申请咗做酒店member，即场食完埋单都有discount，如果想喺亚博馆附近食嘢，呢间酒店、呢个价钱、呢个质素真系要俾个like 。