阿佳拌麵

营业中

休息中

时间过得飞快，对上一次最近去台湾已经系3年前了，手指数数已经咁耐冇去过旅行q_q你话唔挂住就假既，但兴幸系，香港有美食天堂之称，你想食乜就食乜，而台湾夜市，葵广三楼就有一间。佢就系阿佳拌面，听个名已经有几分台味，装修亦都同样，以鲜明红色字作招来。有图有真相，不自于幻想远睇以为系台湾肠，但其实佢系人气最高既贵妃鸡卷，充满夜市味道！烤完仲可以撒上调味粉，三种口味选择，我就拣左紫菜味~外皮非常香口，内里既鸡肉嫩滑，如果中意食鸡皮就一定要嗌啦！古早现烫鱿鱼，口感同玻璃鱿鱼差唔多，香滑弹牙，调味好出色，香浓带少少麻辣感，滋味又惹味！台酱牛肉拌面，嗌左麻辣味再加左份夜市鱼蛋，麻辣拌面劲香口，好有后劲，嗜辣人士必嗌，面质偏软身可以挂到汁，牛肉烟韧，腌得几好，鱼蛋颇有惊喜，入口好弹牙，而且好鲜香，下次黎一定嗌一份！肉燥拌面配沙茶医，另加盐水鸡，鸡丝份量多，味道冇咩惊喜，豆腐超软滑，带微微咸香，而肉燥几出色，肥肉唔多而且咨香味十足，令整个拌面更丰富，而沙茶酱岩晒中意浓味人士～2份拌面望落虽细份，但食落好饱肚，性价比好高！