影片
更多
2022-09-25
621 浏览
点心宗司❌❌❌完全不推荐❌❌❌我哋11:15左右嗌咗个蒸饭同埋其他点心，当时店员已经表明蒸饭最少等20分钟，我哋话冇问题，但系到咗11:45眼见同我哋差唔多时间嗌蒸饭嘅人都陆陆续续出晒啲饭...我都到11:50先至问店员：唔该帮我睇睇个蒸饭几时到？店员当时用差语气答： 讲咗蒸饭要等20分钟啦！！我答佢：我话我搭3落单，而家等咗两个20分钟啦下话跟住企收银位𠮶个阿姐问我：咁你而家仲争几多个点心未嚟呀？我话仲争三个，跟住我听见佢同厨房讲，话我哋张枱仲争三个点心...因为佢哋啲点心系即叫即蒸，我就即时同佢讲话：如果你啲点心而家先蒸嘅话，咁你帮我取消佢，我唔要喇...跟住个阿姐同个店员异口同声一齐嗌出嚟：啲点心而家咪出紧嚟啰！(真系齐心做事情齐心就事成咁样）然后个收银阿姐仲精彩，好大声喝咗我一句：唔使催下话！吖我真系整你个制吖，我全程都系好好态度问佢，呢一刻我真系要爆，我同佢讲：系你哋话20分钟搞掂，我都差唔多40分钟先问下你哋几时有，你哋态度唔使咁差呀，好似我唔啱咁样！🤬🤬之后就不停听到收银阿姐发脾四掟碟掟碗嘅声音，我唔知佢系咪老板啦，如果佢系员工，呢间嘢请著咁嘅员工就真系精彩喇，可以掟公司
我哋11:15左右嗌咗个蒸饭同埋其他点心，当时店员已经表明蒸饭最少等20分钟，我哋话冇问题，但系到咗11:45眼见同我哋差唔多时间嗌蒸饭嘅人都陆陆续续出晒啲饭...我都到11:50先至问店员：唔该帮我睇睇个蒸饭几时到？
店员当时用差语气答： 讲咗蒸饭要等20分钟啦！！
我答佢：我话我搭3落单，而家等咗两个20分钟啦下话
跟住企收银位𠮶个阿姐问我：咁你而家仲争几多个点心未嚟呀？我话仲争三个，跟住我听见佢同厨房讲，话我哋张枱仲争三个点心...因为佢哋啲点心系即叫即蒸，我就即时同佢讲话：如果你啲点心而家先蒸嘅话，咁你帮我取消佢，我唔要喇...
跟住个阿姐同个店员异口同声一齐嗌出嚟：啲点心而家咪出紧嚟啰！(真系齐心做事情齐心就事成咁样）
然后个收银阿姐仲精彩，好大声喝咗我一句：唔使催下话！
吖我真系整你个制吖，我全程都系好好态度问佢，呢一刻我真系要爆，我同佢讲：系你哋话20分钟搞掂，我都差唔多40分钟先问下你哋几时有，你哋态度唔使咁差呀，好似我唔啱咁样！🤬🤬
之后就不停听到收银阿姐发脾四掟碟掟碗嘅声音，我唔知佢系咪老板啦，如果佢系员工，呢间嘢请著咁嘅员工就真系精彩喇，可以掟公司啲碗碗碟碟嚟发泄
到最后我出去埋单，我唔知佢系报仇定咩啦，我拎张单出去，佢系望咗张单一眼然后走咗出去问客：你争啲乜嘢？然后又跑返去厨房同厨房讲话出边边张枱争乜嘢争乜嘢，喂，我埋嚟嘅时候你都企咗喺度，点解你唔系应该收咗我钱，然之后先至出去处理其他事情嘅咩？
其实呢间嘢点心质素唔算差，不过员工态度极差，以上系我今日嘅经历，所以我完全绝对唔推荐大家去，除非大家唔怕等又唔怕俾人闹
张贴