鍋心粥底火鍋 (積存街) (已結業)

本人一直都有光顾锅心粥底，一直觉得性价比okay, 但今日既经历令我同朋友都O晒咀，首先系我地坐楼上有两个阿姐负责，其中一个阿姐上菜时，拎住张湿左既污糟纸扫过我既熟既食物同埋酱料，我即时叫停佢同佢讲咁样好污糟，佢就劲不满既样行开，之后佢就故意系我地食嘢倾计期间不停走黎话唔够时间食，最后一次尽要劲串问我地: 连我EQ高既朋友都忍唔住同佢讲我地尽有半个钟，食净两三样野唔通半个钟食唔晒，同埋我地亦表明最后唔会食粥，之后佢就眼睥行我地，之后佢7:30派单比我地，派完唔够一分钟走黎我地依枱收钱又话赶时间，但静系催我地依枱，无催其他枱，完全玩针对性。之后佢就故意大大声同前面佢两枱佢既熟客系度讲我地，说话十分难听。食饭食到比人当监趸咁真系第一次！！之后落楼下同负责人投诉，果个阿姐尽要走出黎闹我地，负责人就话会同佢讲就敷衍我哋。之后返到屋企尽要肚痛肚屙，真心建议想食依间餐厅既顾客认真考虑一下其他良心食店！