影片
更多
2023-03-22
462 浏览
日本嘅厨师发办食过唔少！今次同朋友去食咗餐够晒特别嘅Omaksa，因为我哋要食嘅系中式饿吗家姐。今次就系去沙田帝都酒店嘅玉庭，我记得以前喺楼上原来而家已经搬咗落去一楼，楼底高咗又光猛咗同以前真系好唔同！今日就丰富喇我哋要食嘅系有成8道菜嘅厨师发办，佢个名叫做尝艺粤馔系尤师傅嘅精心杰作嚟㗎！一坐低讲真系有啲肚饿嘅！见到眼前呢兜沙葛烧鸭即刻放入口，沙葛爽口加埋烧鸭食落去好香口。终于人齐第一味𩠌即刻上枱，呢个前菜系九年百合红肉火龙果鲜淮山梅子番茄，一份前菜都用咁多材料去配搭仲要放晒烟咁真系好有心机㖞！百合同埋个淮山片都好爽口，淮山仲要用火龙果汁染埋色鬼咁靓，百合入面仲有啲梅子番茄加埋啲柚子汁真系劲开胃。跟住呢一个叫做糯米樱花虾千层猪，一件脆卜卜嘅乳猪下面夹住糯米瑶柱樱花虾馅，最底𠮶层系荷叶包嚟层次好分明。乳猪皮好香脆入面啲糯米烟烟韧韧几好咬口，加埋底下𠮶个荷叶包索咁啲油，食落去都唔会觉得好肥腻仲好鬼香添。食咗两个菜呢个时候饮碗靓汤先！呢一盅花胶海参灌汤饺汤嘅颜色睇落都几浓郁，仲一朕朕香气咁飘出嚟睇落系正嘢嚟嘅。讲多无谓食咗最实际！个汤同个样一样好浓香，呢个海参唔系净系得个爽口真系浸到入味㗎！
今次就系去沙田帝都酒店嘅玉庭，我记得以前喺楼上原来而家已经搬咗落去一楼，楼底高咗又光猛咗同以前真系好唔同！
今日就丰富喇我哋要食嘅系有成8道菜嘅厨师发办，佢个名叫做尝艺粤馔系尤师傅嘅精心杰作嚟㗎！
一坐低讲真系有啲肚饿嘅！见到眼前呢兜沙葛烧鸭即刻放入口，沙葛爽口加埋烧鸭食落去好香口。
终于人齐第一味𩠌即刻上枱，呢个前菜系九年百合红肉火龙果鲜淮山梅子番茄，一份前菜都用咁多材料去配搭仲要放晒烟咁真系好有心机㖞！百合同埋个淮山片都好爽口，淮山仲要用火龙果汁染埋色鬼咁靓，百合入面仲有啲梅子番茄加埋啲柚子汁真系劲开胃。
跟住呢一个叫做糯米樱花虾千层猪，一件脆卜卜嘅乳猪下面夹住糯米瑶柱樱花虾馅，最底𠮶层系荷叶包嚟层次好分明。
乳猪皮好香脆入面啲糯米烟烟韧韧几好咬口，加埋底下𠮶个荷叶包索咁啲油，食落去都唔会觉得好肥腻仲好鬼香添。
食咗两个菜呢个时候饮碗靓汤先！呢一盅花胶海参灌汤饺汤嘅颜色睇落都几浓郁，仲一朕朕香气咁飘出嚟睇落系正嘢嚟嘅。
讲多无谓食咗最实际！个汤同个样一样好浓香，呢个海参唔系净系得个爽口真系浸到入味㗎！花胶唔使讲梗系又香又滑啦！入面仲有只海参虾饺个皮滑嘟嘟，入面嘅虾肉爽口加埋弹牙嘅海参都几特别。
跟住呢一个羊肚菌龙虾蒸蛋白就正斗喇！上面有半只波士顿龙虾食落新鲜又爽口，下面系羊肚菌蛋白忌廉整出嚟嘅蒸蛋白质地滑到一点，加埋个劲浓味嘅羊肚菌汁真系无敌。
食完龙虾梗系要食埋鱼先过瘾㗎嘛！呢个好似去咗扒房咁样嘅菜叫做铁板银鳕鱼，个铁板银鳕鱼仲会配咗酒同埋配胡椒汁。
食嘅时候倒啲酒落去再放过火，跟住加埋个胡椒汁落去就吃得，银雪鱼香香甜甜又够滑仲要无骨梗系好食啦，啲配菜有好多老婆大人最钟意嘅京葱同埋菠萝，睇佢食配菜仲开心过食嚿鱼真搞笑哈哈。
呢件又系师傅嘅精心杰作迷你乞儿鸡，平时呢个鸡外面𠮶啲系用塘泥，呢个就用咗好似蛋挞嘅牛油皮嚟做，个菜嘅特色系自己攞住个锤仔扑开嚟食！
扑开咗之后原来入面系好香嘅青咖喱鸡，未试过食乞儿鸡可以连埋啲泥一齐食，师傅都真系好有谂头抵赞呀。
最后呢一个菜叫做芝士蟹肉饭，有墨西哥名物嘅外表净系呢个样都赢晒啦！
好似墨西哥粟米饼嘅物体其实系用芝士做出嚟嘅，所以食落去脆卜卜又咸香，入面嘅系芝士蟹肉饭味道都好唔错㗎。
最后一味梗系甜品啦！我哋呢晚嘅甜品系南瓜奶冻布甸，面头仲有一粒好似龙珠嘅物体，原来系桂花同埋椰汁整出嚟嘅波波仲有啲金箔嚟加添矜贵度呢！
南瓜布甸食嘅口感有啲似啫喱个南瓜味好出，粒珠食落去就系爽口嘅系一个几唔错嘅甜品。
8道菜都好食睇得出尤师傅好用心机煮呢一餐厨师发办，如果以上嘅𩠌菜唔啱你食唔紧要，讲明厨师发办订枱嘅时候可以同尤师傅夹吓个茶单，咁就可以食到独一无二嘅中式厨师发办喇。
玉庭 Jade Pavilion
电话：26943939
地址：沙田白鹤汀街8号帝都酒店1楼
张贴
