天天海南雞飯 (新城市廣場三期)

营业中

休息中

刚和朋友约会于沙田晚饭，泊车于城市广场第三期，坐升降机到三楼，就见到天天海南鸡饭餐厅，见门面都几靓，噤就入去试试。坐落都好舒服，餐牌好特别，成本杂志噤，睇落都好多嘢食，噤就叫咗个黑松露墨鱼虾多士，海鲜喇沙水晶粉，黑蘑菇牛筋牛腩和街坊砂锅银针粉；等上菜嘅时候饮一啖佢比嘅茶，竟然系香茅味嘅茶，果然有惊喜，好快咁样，几个𩠌就一齐拎嚟啦；首先个黑松露墨鱼虾多士，真系好好味，外脆内软仲好香黑松露味，绝对推介；个黑蘑菇牛筋牛腩，系米芝莲3星级，食落真系好入味，牛筋爽牛腩淋，但淋得嚟又唔会梅，一定要食！海鲜喇沙水晶粉，如果可以多啲海虾味咁就绝顶啦！而个砂锅银针粉呢，卖相好靓，仲有只生蛋喺上面，食落真系唔错㖞，捞咗蛋之后又好滑㖞！全程服务员招呼周到，真系一个唔错选择。发觉虽然佢叫天天海南鸡饭，但系其他嘅𩠌都好好食。