東記雞煲烤魚火鍋點心餃子 (已結業)

天寒地冻见系招牌菜式生肠鸡煲，好似几吸引，点知真系食到好兴，简直系一肚火，鸡无味！肉质木嘅，劣质雪货，生肠腥同埋系唔爽嘅！试图用麻辣味掩饰劣货，但又唔够惹味唔够麻！有啲辣味咁，唔好以为食过几次就可以开铺得㗎！墨鱼丸同鱼片头系街市24蚊磅的假墨/鱼丸，日本蚝又系腥又有雪味！咬落梅梅地咁，同埋好细只，比较好只有鱼皮韮菜饺味道ok、腊味鱼球都系街市现成货加少少腊肠咁，质地比较削，脆肉鲩鱼片不过不失叫做爽但以份量讲系偏贵！其余食咗皇帝菜等份量都偏少比较贵！但最精彩系特级牛肉粒$118，简直系欺骗肥油多过肉！完全系下栏啲头头尾尾！差！食酒楼火㶽放题好过佢，起码食饱，价钱就上价，食物就劣价，千其唔好去！