影片
更多
2023-01-16
89 浏览
今日同朋友一行四人夜晚谂食咩，撞正今晚开始天气转冻，嚟到呢间舖头见到佢个海鲜锅好似几正，啱晒冬天食，于是就坐低试吓，朋友话呢间新开，唔知系咪咁嘅原因，都好多人嚟试，现场都见到好多人食。我哋7:30入座，咁啱出面仲有户外坐位，所以我哋就唔使等，跟住到咗八点𠮶阵听到有个女士话佢预约咗八点，但系个职员同佢讲话而家满咗，叫佢等，我心谂，你都唔留枱比客人，咁点解仲要俾人预约，咁不如全部得Walk in？🤡我哋一开头嗌咗啲串烧，羊架先上，其实size都偏细，不过味道OK，唔错啊，于是我哋就开始嗌多啲，跟住发觉样样串烧都系同一个调味㖞🙃调味一样都由佢啦，但个重点系size系极极极细，明明睇佢手机落单个app呢，就唔似咁细嘅，上到枱呢就全部size用嚟摄牙罅嘅😓同样地海鲜锅入边啲料就唔系好多，每样都系几件，所以其实好快就食晒，但系我哋系完全未饱，跟住再嗌左啲打边炉嘢，但系啲火锅料一上嚟，又中伏啦，全部都冇谂过得甘少，一份金菇都唔知有冇平时街市的一包，睇落似半包，肥牛得6片，我哋o左，(唔好意思，我太过近咁影，啲肥牛系冇你想像中咁大碟，应该放喺啲碗筷隔离影)我哋都觉得呢间舖头食水食到咁深，最后我哋决定止
我哋7:30入座，咁啱出面仲有户外坐位，所以我哋就唔使等，跟住到咗八点𠮶阵听到有个女士话佢预约咗八点，但系个职员同佢讲话而家满咗，叫佢等，我心谂，你都唔留枱比客人，咁点解仲要俾人预约，咁不如全部得Walk in？🤡
我哋一开头嗌咗啲串烧，羊架先上，其实size都偏细，不过味道OK，唔错啊，于是我哋就开始嗌多啲，跟住发觉样样串烧都系同一个调味㖞🙃调味一样都由佢啦，但个重点系size系极极极细，明明睇佢手机落单个app呢，就唔似咁细嘅，上到枱呢就全部size用嚟摄牙罅嘅😓
同样地海鲜锅入边啲料就唔系好多，每样都系几件，所以其实好快就食晒，但系我哋系完全未饱，跟住再嗌左啲打边炉嘢，但系啲火锅料一上嚟，又中伏啦，全部都冇谂过得甘少，一份金菇都唔知有冇平时街市的一包，睇落似半包，肥牛得6片，我哋o左，(唔好意思，我太过近咁影，啲肥牛系冇你想像中咁大碟，应该放喺啲碗筷隔离影)我哋都觉得呢间舖头食水食到咁深，最后我哋决定止蚀，食晒枱面啲嘢就走啦，去过第二间舖头食过，我真系唔知系呢间舖头要嗌几多野先至可以食饱？讲紧我都系正常女仔食量。
呢间舖头嘢食质素OK嘅，员工服务正正常常，但系个CP值超唔抵，所以唔会再有下一次帮衬。
张贴
