影片
更多
2009-09-25
18 浏览
同女友到西贡食海鲜，星期四晚冷冷清清的海鲜街，家家食肆都派人出来兜客落咀头，生意似乎真系好难做㖞！最后被金辉既伯伯既诚恳态度打动左，仲话几十年经营老字号，又话自己铺位唔使租所以价钱实惠，甚至拍心口话海鲜唔满意唔收钱，而且清蒸海上鲜可以送斑仔比我地。最后我地点左个 $300 二人套餐，话冇其他立杂费。一坐低即系送上一碗爆谷！冇错，系爆谷！1. 白灼虾：第一感觉，好细碟，我估计得四、五两份量左右，不过系海虾，味道几鲜甜！想要问伙计要些少指天椒，但话只系比普通辣椒，算啦！2. 椒盐墨鱼：外表的炸粉得好一般，炸得唔脆口，墨鱼肉尚可，但份量又系超细碟。3. 芝士龙虾伊面底：小龙虾两只，其实想要大龙虾系咪太大想头呢？不过小龙虾都几实肉弹牙，伊面底就一般般。4. 蒸斑仔：条斑仔真系几好食，蒸得刚刚好，肉质爽嫩，全条食得干干净净。5. 炒通菜：冇乜味道。6. 海鲜汤：汤里发现有大大件濑尿虾尾，仲有件鱼尾，材料似乎落足，不过味道仍然系唔特别。7. 生果：所谓生果，系几片薄切橙，照睇合埋可能只有半个橙左右。讲质素呢家海鲜一般般啦，但份量咁少唔会令人有哗一声「好抵㖞」既感觉！最后埋单，居然发现原来爆谷要收
最后被金辉既伯伯既诚恳态度打动左，仲话几十年经营老字号，又话自己铺位唔使租所以价钱实惠，甚至拍心口话海鲜唔满意唔收钱，而且清蒸海上鲜可以送斑仔比我地。最后我地点左个 $300 二人套餐，话冇其他立杂费。
一坐低即系送上一碗爆谷！冇错，系爆谷！
1. 白灼虾：第一感觉，好细碟，我估计得四、五两份量左右，不过系海虾，味道几鲜甜！想要问伙计要些少指天椒，但话只系比普通辣椒，算啦！
2. 椒盐墨鱼：外表的炸粉得好一般，炸得唔脆口，墨鱼肉尚可，但份量又系超细碟。
3. 芝士龙虾伊面底：小龙虾两只，其实想要大龙虾系咪太大想头呢？不过小龙虾都几实肉弹牙，伊面底就一般般。
4. 蒸斑仔：条斑仔真系几好食，蒸得刚刚好，肉质爽嫩，全条食得干干净净。
5. 炒通菜：冇乜味道。
6. 海鲜汤：汤里发现有大大件濑尿虾尾，仲有件鱼尾，材料似乎落足，不过味道仍然系唔特别。
7. 生果：所谓生果，系几片薄切橙，照睇合埋可能只有半个橙左右。
讲质素呢家海鲜一般般啦，但份量咁少唔会令人有哗一声「好抵㖞」既感觉！
最后埋单，居然发现原来爆谷要收 $20，之前明明话冇其他杂费，向伙计查问，佢就细细声话畀少少伙计做「下栏」。
但而家唔系钱多钱少既问题㖞，一开始讲明有咩杂费，做客既未必会介意畀多 $20，但而家系偷偷摸摸，即系欺骗人啫！呢样真系令我好不满！
张贴