LIFETASTIC (已結業)

西环friend介绍，话呢间系文青至爱。作为一个过期过期过期过期过期掹车边文青，行过路过就入去试下。第一眼，环境系唔错，有啲小清新感觉。西环friend话一定要试个招牌西瓜蛋糕，好，就试下，加多杯冻latte。件西瓜蛋糕卖相固然靓（虽然我都同时觉得几十蚊一件非酒店饼房蛋糕真系好贵），最面层士多啤梨啫喱铺住玫瑰花瓣，少女见到当然会尖叫兼相机食先。其中一层系大大块西瓜肉，又真系冇欺场㖞。但最欣赏系中间的玫瑰忌廉同个饼底，大家如果食呢款蛋糕要留意下。杯latte，卖相唔系特别靓，但啡味好够浓，唔系一杯有咖啡味的奶，我觉得好足料啰，收货（但again我又系觉得好贵，虽然算大杯）。服务呢，唔系特别殷勤，仲有少少cool，不过而家后生仔女系咁架啦，都总算有礼貌。西环friend话做左会员，因为啲熟食好好味，我都想试下，不过我仲未收到张会员咭or入会email，电话都冇个，睇黎要追一追，after sales呢环真系要改善一下。