湖舟壽司‧小料理 (已結業)

其实只去过数次，头两次都很满意，皆因我非常欣赏此店既吞拿鱼腩，就算系鉄火卷都好叫人回味。每次我都会叫特上寿司定食(同行的会叫其他share)，不但有美味既吞拿鱼腩，仲有鉄火卷！加上前菜，蒸蛋，乌冬同甜品，就算比起平时食既寿司贵d都觉得抵左！因为质数好麻！点知，上一次去，我同样叫特上寿司定食，最后只系得番d寿司同前菜，蒸蛋，乌冬同甜品都冇晒，我地唔知点解冇啦，咪问下啰，点知佢答我：因为d日本客嫌个set太多野食，食完个set食唔到其他野wor，所以唔会有wor！咁都得？可能我大食啦，可能我贪心啦，可能我穷啦，可能我唔系日本人啦，所以都唔明佢讲咩，我只系想要个蒸蛋同乌冬jei，好好食麻，我又唔系佢d日本客，点解唔俾番我？！