一風堂 (德福廣場) (已結業)

日日返工都要食lunch，短短个零钟食晏时间，其实只要唔太差都好少有意见，但以一分钱一分货嘅角度，呢间论服务到食物都唔多值。记得上一次lunch time，该店嘅自助取票机坏咗，门口亦冇职员接待，眼见至少有2张4人枱空著，入内揾唔知忙紧咩嘅职员查问，职员只解释：「机件故障，唔知几时整番」。便怱怱离开，亦没有派筹让我们等待……当时心想：如此服务态度，唔通真系好食到唔忧做？！今次一行5人再度亲临，试一试佢嘅实力。等咗大概5分钟，职员安排一个4人坐位比我哋2女3男; 2女1男坐埋便梳化，空间峡窄到第3个人有2/3身位坐离张枱，唯有要求加櫈，初时职员婉拒，但后来可能见真系冇办法食到嘢，都好快张櫈补上。$88嘅酱油札幌拉面，未计加一，除咗第一眼见到旧超级肥膏之外，卖相都唔错，面嘅质感同粗幼适中，份量偏少，男仔一定唔够饱，味道可以，不过汤底偏咸，味精过重，喝一口以足够，唔能够令你畅快地大啖大啖喝下总括而言，以价钱及服务来说，不值推介。