維記咖啡粉麵

营业中

休息中

离开咗深水埗一段时间，再次食佢嘅猪膶面真系震撼到我。冇谂过会变得咁难食，猪膶又老又柴，食落冇味，汤亦冇晒啲猪膶泡泡。唯一可取，系够热！为咗减低我因为食咗劣食而引发嘅愤怒，我加左件加央多，希望可以平衡味蕾，好彩冇浪费呢$16，佢疗愈咗我，冇即场反枱。隔离枱有对银发族夫妇，嗌咗猪膶面同牛肉面，佢哋都话猪膶好老、咬唔到。伯伯想叫店家换，但婆婆制止佢，话食唔到就由佢，最多以后唔帮衬。冷静落嚟，回想刚才𠮶碗猪膶面其实并唔系咁难食，只系佢唔再系维记猪膶面嘅味道，佢只系一碗将货就价，用唔新鲜猪膶做嘅面，我刚才嘅愤怒只系恨铁不成钢，只要放下对维记猪膶面嘅感情，就唔会影响到我情绪。香港饮食业万岁！