影片
更多
2024-09-26
656 浏览
系附近睇完中医，收到食力组组员召唤饭聚，话近我嘅有呢间食潮州菜嘅饭店。地方够大，坐得舒服，仲有电视送饭。有碟潮州咸菜作为餐前小食，一路食一路睇下食咩先。平时汤水少，有原盅炖汤当然唔可以错过。呢客原盅青芥榄猪展炖螺头汤 ($88)，有清热解毒，去除体内热气之功效。汤水唔油腻，够晒热，味道清甜。仲足汤料，有只鸡脚仔同螺头可以食埋。潮菜除咗大热之选嘅卤水系列，好多时都会叫客韮菜猪红 ($62)。呢度嘅酱汁煮得颇杰身，开初以为会好浓味，但入口又唔系㖞。猪红口感带点烟韧，韮菜放底，若果多返D会好D。对于普宁豆酱嘅认识，莫过于食冻大眼鸡时点嘅一个酱。睇餐牌发现有呢客普宁豆酱焗鸡 (半只/$198)。以瓦煲煮除咗更原汁原味外，仲可保持热度。每件鸡都沾上咸香酱汁，鸡肉都几滑，皮下无多余脂肪，用黎送白饭都几夹。潮式处理鱼都有一手，好似呢客半煎炸牙带鱼 ($138)，先煎香牙带鱼，令鱼皮变香脆再加埋萝卜条，芹菜同葱一齐汁煮，一D腥味都无，而且肉多骨少。打开餐牌嘅最后一页系甜品类，位上嘅有马蹄绿豆爽 ($36)及银杏芋泥 ($36)。两款甜度适中，芋泥口感超绵滑，食下食下好快就食完。呢度仲有茶饮，下次可以试
地方够大，坐得舒服，仲有电视送饭。
有碟潮州咸菜作为餐前小食，一路食一路睇下食咩先。
平时汤水少，有原盅炖汤当然唔可以错过。呢客原盅青芥榄猪展炖螺头汤 ($88)，有清热解毒，去除体内热气之功效。
汤水唔油腻，够晒热，味道清甜。
仲足汤料，有只鸡脚仔同螺头可以食埋。
潮菜除咗大热之选嘅卤水系列，好多时都会叫客韮菜猪红 ($62)。
呢度嘅酱汁煮得颇杰身，开初以为会好浓味，但入口又唔系㖞。猪红口感带点烟韧，韮菜放底，若果多返D会好D。
对于普宁豆酱嘅认识，莫过于食冻大眼鸡时点嘅一个酱。睇餐牌发现有呢客普宁豆酱焗鸡 (半只/$198)。
以瓦煲煮除咗更原汁原味外，仲可保持热度。每件鸡都沾上咸香酱汁，鸡肉都几滑，皮下无多余脂肪，用黎送白饭都几夹。
潮式处理鱼都有一手，好似呢客半煎炸牙带鱼 ($138)，先煎香牙带鱼，令鱼皮变香脆再加埋萝卜条，芹菜同葱一齐汁煮，一D腥味都无，而且肉多骨少。
打开餐牌嘅最后一页系甜品类，位上嘅有马蹄绿豆爽 ($36)及银杏芋泥 ($36)。两款甜度适中，芋泥口感超绵滑，食下食下好快就食完。
呢度仲有茶饮，下次可以试下。
张贴
