影片
更多
2021-04-21
103 浏览
新加坡文华获奖无数嘅海南鸡品牌Chatterbox开到嚟香港，当然要试下有几好食！文华海南鸡经慢煮，配上鸡汁豉油，用鲜嫩滑溜嚟形容真系冇错；油饭好香，鸡汤重有旧滑豆腐；作为海南鸡饭灵魂嘅三款酱汁，姜蓉同秘制辣椒酱都比较辣同抢味，我自己就钟意浓黑酱油多啲，不过食海南鸡饭都系要同时点晒三款先够滋味～招牌大虾喇沙汤底好香浓偏杰，喇沙配米线好索汤一定要趁热食；配料有大虾鱼片豆卜芽菜同鸡蛋，全部都吸晒汤嘅精华好正！鸡肉沙嗲腌得几好烧完都好嫩唔干，沙嗲酱有花生粒带甜味，两者夹埋好惹味～锡兰奶茶冇港式奶茶咁浓但香滑～屋企长期有罐美禄可可粉嘅我嚟到都忍唔住点番杯美禄恐龙，餐厅冲既更浓郁，面头仲加咗美禄可可球同可可粉添😋
文华海南鸡经慢煮，配上鸡汁豉油，用鲜嫩滑溜嚟形容真系冇错；油饭好香，鸡汤重有旧滑豆腐；作为海南鸡饭灵魂嘅三款酱汁，姜蓉同秘制辣椒酱都比较辣同抢味，我自己就钟意浓黑酱油多啲，不过食海南鸡饭都系要同时点晒三款先够滋味～
招牌大虾喇沙汤底好香浓偏杰，喇沙配米线好索汤一定要趁热食；配料有大虾鱼片豆卜芽菜同鸡蛋，全部都吸晒汤嘅精华好正！
鸡肉沙嗲腌得几好烧完都好嫩唔干，沙嗲酱有花生粒带甜味，两者夹埋好惹味～
锡兰奶茶冇港式奶茶咁浓但香滑～屋企长期有罐美禄可可粉嘅我嚟到都忍唔住点番杯美禄恐龙，餐厅冲既更浓郁，面头仲加咗美禄可可球同可可粉添😋
张贴
